Во рамките на иновативната иницијатива „Општина по мерка на младите“ граѓанската организација Центар за истражување и анализи НОВУС ќе организира Тркалезна маса со Градоначалникот на општина Струмица. Целта на настанот е презентација на наодите од спроведените активности во рамки на проектот, како и презентација на полиси бриф документот со препораки за заедничко надминување на проблемите и воспоставување на функционален Локален младински совет на општина Струмица.