Овој 2I има за цел да ја мобилизира заедницата за предизвиците, недостатоците и тешкотиите со кои се соочува младинското население во Северна Македонија и Грција, поради недостаток на прекугранична соработка. Една од заложбите од Договорот од Преспа беше продлабочување на меѓусебната соработка и на дипломатско ниво и меѓу граѓанската прекугранична соработка. Владината програма се осврнува на оваа заложба со планирање на повторно отворање на граничниот премин „Маркова Нога-Лемос“ и отворање на регионални центри за соработка и дијалог. Преку различни активности за мобилизација на заедницата, 2I ќе се вклучи со млади луѓе кои живеат во пограничниот регион и општини како Струмица, Валандово и Гевгелија за да разговараат за заедничките интереси и предизвици со кои се соочуваат младите и да ги идентификува можните начини за прекугранична соработка.

Оваа иницијатива има за цел да ги реши тековните проблеми, предизвици и прашања со кои се соочуваат младите во општина Струмица. Во процесот на имплементација ќе се испитаат проблеми од различни социјални сфери, додека акцентот ќе биде ставен на изнаоѓање одржливи решенија. Од таа причина, ќе се спроведе истражување (теренско и онлајн истражување) специјално дизајнирано за целна група на млади од 16 до 29 години воздраст со цел да се добијат оптимални и најуспешни резултати, кои потоа ќе бидат анализирани и испрезентирани во форма на студија. Видливоста ќе се постигне со видео промоција и кампања на социјалните медиуми и се очекува наодите да бидат имплементирани во програмата на политичката партија за локалните избори.